Sa ki anba la a se yon deklarasyon David Steele, sekretè jeneral Legliz Frè yo:
Mèkredi se te Epifani, jou ki make arive maj yo, k ap chèche jèn Prens lapè a. Men, aksyon vyolan ki te fèt nan kapital nasyon nou an te revele vyolans Ewòd olye de lapè Bondye.
Byenke Legliz Frè yo te toujou gen yon relasyon ambivalan ak enstitisyon ki gen pouvwa ak gouvènman an, nou te toujou chèche “bagay ki fè lapè” (Lik 19:42).. Frè m yo adrese gouvènman an sou zafè jistis nan angajman nou pran swen tout moun, epi nou patisipe nan manifestasyon san vyolans lè sa nesesè. Men, aksyon ki sot pase yo pa te pwotestasyon san vyolans. Yo mete rasis ak rayisman toutouni, e yo vyole pwosesis demokratik peyi a.
Se pou nou ansanm konfese kraze brize nou an, ke divizyon pwofon nan peyi nou an prezan tou nan legliz nou an; epi pran angajman pou nou priye pou geri peyi nou an ak legliz nou an pandan n ap priye ansanm ak travay pou lapè Kris la— Shalom Bondye a.
‑‑‑‑‑‑‑‑‑‑
Jwenn plis nouvèl Legliz Frè yo: