Konferans Nasyonal Jèn Legliz Frè yo 2010
Fort Collins, Kolorado — Samdi 17 Jiyè 2010
Li te parèt klè touswit pou prèske 3,000 moun ki te prezan nan sèvis adorasyon ouvèti Konferans Nasyonal Jèn 2010 la, ke te gen pi plis pase sa je wè anrapò ak nouvo chante tèm yo a.
Men, pandan gwoup mizik louwanj lan t ap prezante pon an—ak “pre-pon” an—tout moun te pare pou rantre nan refren “More Than Meets the Eye,” konpoze pa Shawn Kirchner. Lè yo te reprann chante a pita nan sèvis la, li te sanble konpleksite li te ajoute nan plezi a.
Josh Brockway, yon manm Ekip Direksyon Espirityèl NYC a ak anplwaye Ministè Lavi Kongregasyonèl Legliz Frè yo a, te envite adoratè yo pou yo kanpe, kwaze bra yo, epi fè eksperyans jan sa te difisil pou yo lonje men youn bay lòt. Apre sa, li te envite tout moun pou yo detann, epi louvri bra yo ak kè yo youn bay lòt. “Fason nou kanpe a se yon siy pozisyon espirityèl nou,” li te di. Si nou pa ouvè youn bay lòt, “nou rate Bondye.”
Prediktris aswè a, Angie Lahman Yoder nan Legliz Frè yo nan Circle of Peace nan Peoria, Arizona, te sonje premye jou li nan yon nouvo lekòl segondè, lè li t ap chèche avèk angwas yon plas nan sal manje a kote li t ap anfòm. Bon nouvèl levanjil la se ke nan legliz Jezikri a, nou deja anfòm, li te pataje.
Li te dechaje yon sakado plen ak kalite bagay enpòtan nan lavi li, tankou iPod, krèm pwoteksyon solèy, laptop, Bib—epi li te admèt ke pou pifò nan nou, rad nou chwazi mete ak bagay nou chèche oswa posede se fason nou pou nou eseye entegre nou.
Men, Jezi te vize ministè li a sou moun yo te rejte, e li menm tou li te fè eksperyans rejè. Se poutèt sa legliz la se yon kote nou santi nou an sekirite.
“Legliz la pa yon klib sekrè kote se sèlman kèk moun ki aksepte. Li pou tout moun,” Yoder te di, “menm pou ou menm…. Kèlkeswa kote w ye nan pwosesis pou w kwè a, ou deja fè pati isit la.”
Li te ankouraje jèn yo pou yo pran oserye opòtinite pou enkli youn lòt nan ti gwoup ke tout patisipan NYC yo fè pati semèn sa a. “Pou rankontre Jezi, sa vle di ou reyèlman dwe rankontre youn lòt,” li te di. “Sa depann de kijan mwen dispoze ofri tèt mwen pou fè eksperyans Kris la isit la nan NYC.”
–Frank Ramirez se pastè Legliz Frè yo nan Everett (Pa.)
Kontakte
Ekip Nouvèl pou Konferans Nasyonal Jèn 2010 la (NYC) gen ladan l fotograf Glenn Riegel ak Keith Hollenberg, ekriven Frank Ramirez ak Frances Townsend, gourou "NYC Tribune" Eddie Edmonds, itilizatè Facebook ak Twitter Wendy McFadden, anplwaye sit entènèt la Amy Heckert, ak direktè ak editè nouvèl Cheryl Brumbaugh-Cayford. cobnews@brethren.org .
Ale sou www.brethren.org/Newsline pou abòne ak sèvis nouvèl gratis Church of the Brethren Newsline pa imèl epi resevwa nouvèl legliz la chak de semèn.