Yon senkyèm ekip volontè ki soti nan Sèvis pou Timoun ki nan Katastwòf (CDS) te rive Baton Rouge, nan Louisiana, jedi 1ye septanm. Kat ekip CDS deja fin fè sèvis yo la. Volontè CDS yo ap pran swen timoun ak fanmi ki te deplase akòz inondasyon epi k ap viv nan abri Lakwa Wouj Ameriken an.
Resous Materyèl Legliz Frè yo voye de lòt chajman pwovizyon sekou an Lwizyana sou non Church World Service (CWS).
Sèvis pou Timoun an ka Dezas
Ekip volontè CDS yo nan Louisiana te sèvi plis pase 400 timoun, dapre direktè asosye CDS Kathy Fry-Miller. CDS genyen ekip tou ki an alèt jodi a pou reponn a siklòn nan Hawaii ak Florid si sa nesesè.
“Genyen bezwen kontinyèl pou anpil moun ki pè yo ka oblije kite kay yo pou tout tan,” te di yon pòs Facebook CDS, ki eksprime enkyetid pou fanmi ki afekte pa inondasyon an nan Louisiana. “Nou rekonesan anvè timoun yo ki te pataje ri ak dlo nan je yo ak ekip nou yo, ak anvè fanmi ki te pataje pitit yo avèk nou pandan semèn estrès sa yo. Nou rekonesan anvè patnè nou yo nan repons lan, patikilyèman anplwaye Lakwa Wouj yo. Nou rekonesan anvè volontè nou yo.”
CDS pataje yon blog ekri pa yon volontè ki fèk kòmanse travay kòm volontè, Brianna Pastewski, Espesyalis nan lavi timoun. Jwenn li nan http://cldisasterrelief.org/2016/08/first-day-in-louisiana-by-brianna
Resous Materyèl
Pwogram Resous Materyèl la, ki baze nan Sant Sèvis Frè yo nan New Windsor, Maryland, estoke epi voye machandiz sekou pou patnè ekimenik ak òganizasyon èd imanitè yo. Nan dènye semèn mwa Out la, yo te fè de lòt chajman nan Louisiana an repons a inondasyon yo, apre yon premye chajman yo te voye pou CWS.
Nan de dènye chajman yo, CWS te lage 1,000 bokit netwayaj nan zòn Baton Rouge nan dat 23 out, epi li te voye 100 katon twous swen pou tibebe ak 400 bokit netwayaj bay Clinton nan dat 25 out.